“ყაზტრანსგაზ-თბილისი“ სპეციალურ განცხადებას ავრცელებს

“დღეს, 1 თებერვალს, 17:30 საათზე გაზმომარაგება ავარიულად შეუწყდა დიდუბის რაიონში, წერეთლის გამზირი №114-ში მდებარე შპს “კოკა-კოლა ბოთლერ ჯორჯია“-ს, წერეთლის გამზირი №116-ში – შპს “დიდუბე პლაზა“-ს, შპს “კლუბი ტრიუმფს“, სს “საქართველოს ბანკს“, აგლაძის ქუჩა №53-ში შპს “აქტექსს“, სტანისლავსკის ქუჩა №12-ში შპს “ემ ჯი ჯი-2008“-ს, სტანისლავსკის ქუჩა №5-ში მდებარე საცხოვრებელი კორპუსის მოსახლეობას და აღნიშნულ ტერიტორიაზე განთავსებულ კომერციულ ობიექტებს. გაზის მიწოდება აღდგება ეტაპობრივად სამუშაოების დასრულებისთანავე“, – ნათქვამია “ყაზტრანსგაზ-თბილისის“ მიერ გავრცელებულ განცხადებაში.
შპს “ყაზტრანსგაზ-თბილისი” ბოდიშს უხდის თავის აბონენტებს დისკომფორტისთვის და მოუწოდებს მათ არ დატოვონ უყურადღებოდ გაზის დანადგარები, ხოლო ონკანები ჰქონდეთ დაკეტილ მდგომარეობაში. მოქალაქეების მიერ უსაფრთხოების წესების შეუსრულებლობით გამოწვეულ შედეგებზე შპს “ყაზტრანსგაზ-თბილისი” პასუხისმგებელი არ არის.