“ქართუ ჯგუფის” საზოგადოებასთან ურთიერთობის სამსახურის ხელმძღვანელმა, გიორგი უძილაურმა ჟურნალისტებს ქობულეთში, 9 ჰექტარი მიწის ნაკვეთი დაათვალიერებინა, რომელიც 2006 წელს “ქართუ ჯგუფის” კომპანია “აკვაცენტრმა” შეიძინა.
“ნაციონალური მოძრაობაში” აცხადებენ, რომ “ქართუ” ხელშეკრულების პირობას არ ასრულებს, რომლის მიხედვითაც, აღნიშნულ ტერიტორიაზე დასასვენებელი კომპლექსი უნდა აშენდეს.
გიორგი უძილაურის განმარტებით, ხელშეკრულებაში კონკრეტული ვადა გაწერილი არ არის, აღნიშნულ ტერიტორიაზე კი, გამწვანების სამუშაოები წლებია, მიმდინარეობს.
დასასვენებელი კომპლექსის მშენებლობა კი, გიორგი უძილაურის ინფორმაციით, დაახლოებით ორ წელიწადში დასრულდება.
კომენტარები