“სოსო ოხანაშვილის განცხადება არაკორექტულია”

მამა დავით შარაშენიძემ პატრიარქის დაცვის უფროსი სოსო ოხანაშვილი პატრიარქის პრესმდივნის მისამართით გამოთქმული ბრალდებების გამო გააკრიტიკა და მის განცხადებას არაკორექტული უწოდა.
როგორც მან ჟურნალისტებთან საუბრისას აღნიშნა, მამა მიქაელ ბოტკოველს ოხანაშვილი საპატრიარქოში მართლაც არ ჰყავდა ნანახი და მან მხოლოდ ეს თქვა.მამა დავითი აცხადებს, რომ პატრიარქის პრესმდივანს არ უსაუბრია ოხანაშვილის გათავისუფლების შესახებ.
შეგახსენებთ, რომ სოსო ოხანაშვილმა მამა მიქაელ ბოტკოველი სიცრუეში მას შემდეგ დაადანაშაულა, რაც მამა მიქაელ ბოტკოველმა განაცხადა, რომ გერმანიიდან დაბრუნების შემდეგ სოსო ოხანაშვილი საპატრიარქოში არ უნახავს. ამის შესახებ განცხადების გაკეთება კი პატრიარქის მდივანს იმ ინფორმაციის გამო მოუწია, რომლის თანახმადაც პატრიარქის დაცვის უფროსმა თანამდებობა დატოვა. ოხანაშვილის განცხადების შემდეგ, პატრიარქის პრესმდივანმა თანამდებობა დატოვა.