პენტაგონის ხელმძღვანელი, ლოიდ ოსტინი მიიჩნევს, რომ თუ უკრაინა რუსეთთან სრულმასშტაბურ ომში წააგებს, ბალტიის ქვეყნებს შესაძლოა საფრთხე დაემუქროს.
თავდაცვის მდივანმა ხაზგასმით აღნიშნა, რომ უკრაინისთვის დამატებითი დაფინანსების დამტკიცება მნიშვნელოვანია მსოფლიოში ისეთი სიტუაციის თავიდან ასაცილებლად, “როდესაც ერთ ქვეყანას შეუძლია თავისი მეზობლების საზღვრების გადახაზვა და მისი სუვერენული ტერიტორიის უკანონოდ აღება”.
“ჩვენ ვიცით, თუ პუტინი [უკრაინაში] წარმატებული იქნება, ის არ გაჩერდება. ის გააგრძელებს უფრო აგრესიულ ქმედებებს რეგიონში”, – განაცხადა აშშ-ის თავდაცვის მდივანმა.
“თუ ბალტიისპირეთის ქვეყანა ხართ, ნამდვილად გაშფოთებთ, იქნებით თუ არა შემდეგი. ისინი იცნობენ პუტინს. მათ იციან, რა შეუძლია მას. და, გულწრფელად რომ ვთქვათ, თუ უკრაინა წააგებს, მე ნამდვილად მივიჩნევ, რომ ნატო რუსეთთან იბრძოლებს”, – დასძინა მან.