კრემლი დასავლეთს უკრაინის ომში პირდაპირ ჩართვაში ადანაშაულებს. რუსეთის პრეზიდენტის პრესმდივნის, დიმიტრი პესკოვის განცხადებით, ამაზე გერმანელი სამხედრო მაღალჩინოსნების ის აუდიოჩანაწერი მიუთითებს, რომელიც რუსულმა მედიამ გაავრცელა. 38-წუთიან მასალაში საუბარია გერმანიის მხრიდან უკრაინისთვის „ტაურუსის“ რაკეტების მიწოდებასა და კიევის მიერ ყირიმის ხიდზე პოტენციურ დარტყმაზე.
რუსულ მედიაში გავრცელებული აუდიოჩანაწერის გამო, რუსეთის საგარეო საქმეთა სამინისტრომ გერმანიის ელჩი ახსნა-განმარტებებისთვის დაიბარა. დიპლომატმა ერთსაათიანი შეხვედრის შემდეგ, საგარეო უწყება უკომენტაროდ დატოვა.
გერმანიის თავდაცვის მინისტრი, აუდიოჩანაწერის გაჟონვის გამო, მოსკოვს საინფორმაციო ომის წარმოებაში ადანაშაულებს.
კომენტარები