უკრაინის მიერ 1991 წლის საზღვრებზე დაბრუნების გამოკითხული უკრაინელების 45%-ს სჯერა. ამის შესახებ „საერთაშორისო რესპუბლიკური ინსტიტუტის“ (IRI) დაკვეთით ჩატარებული სოციოლოგიური კვლევის შედეგები მეტყველებს.
გამოკითხვა 17-21 თებერვალს ჩატარდა – IRI-ის დაკვეთით კომპანია „რეიტინგმა“ 2000 ადამიანი გამოჰკითხა.
ამასთანავე, გამოკითხულთა 7%-ს სჯერა, რომ უკრაინა დაიბრუნებს დონბასს, მაგრამ ვერ დაიბრუნებს ყირიმს. ანალოგიურად, 7%-ს სჯერა, რომ ოფიციალური კიევი ყირიმის ნახევარკუნძულს დაიბრუნებს, თუმცა დონეცკისა და ლუგანსკის ოლქების ოკუპირებულ ტერიტორიებზე კონტროლს ვეღარ აღადგენს. რესპონდენტთა 16% აცხადებს, რომ უკრაინა დაიბრუნებს ყველა იმ ტერიტორიას, რომელთა ოკუპაციაც რუსეთმა 2022 წლის 24 თებერვლის შემდეგ მოახდინა. რესპონდენტთა 16% აცხადებს, რომ რუსეთი კიდევ უფრო მეტი ტერიტორიის ოკუპაციას შეძლებს.
აღსანიშნავია, რომ 2023 წლის სექტემბერში გამოკითხულთა 68% ამბობდა, რომ უკრაინა 1991 წლის საზღვრებზე გასვლას შეძლებს.