საბერძნეთში საქართველოს 5 მოქალაქე დააკავეს, რომლებიც დანაშაულებრივი ორგანიზაციის წევრები არიან. ბერძნული მედიის ცნობით, 2 აპრილს ჩატარებული ოპერაციის დროს ოთხი მამაკაცი და ერთი ქალი დააკავეს.
გამოძიების ინფორმაციით, დაკავებულები 2021 წლის ნოემბრიდან ატიკის სხვადასხვა რაიონში სახლებს ქურდავდნენ. საგამოძიებო მოქმედებების შედეგად ამოღებულია 370 ევრო, დიდი რაოდენობით ძვირფასეულობა, მობილური ტელეფონები, სიმბარათები, კომპიუტერები. დაკავებულებს ჩამოართვეს ავტომობილი და მოტოციკლი.
პოლიციის ცნობით, დაკავებულებმა ჯამში 700 ათას ევრომდე ღირებულების ნივთები მოიპარეს. გამოძიება გრძელდება.
კომენტარები