დიდი ბრიტანეთის საგარეო საქმეთა მინისტრმა, დევიდ კემერონმა გამორიცხა უკრაინაში ბრიტანული ჯარების განლაგება. ინფორმაცია ამის შესახებ ბრიტანული გამოცემა The Times-ი ავრცელებს.
კემერონმა უარყო პრეზიდენტ მაკრონის მიერ გაკეთებული წინადადება უკრაინაში ნატოს ჯარების განლაგების შესახებ.
ბრიუსელში ნატოს სამიტზე კემერონს კითხვა დაუსვეს, შესაძლებელია თუ არა ბრიტანული ჯარების გაგზავნა უკრაინაში.
„არა, ჩვენ არ გვინდა პუტინს ასეთი სამიზნე მივცეთ“, – აღნიშნა ბრიტანეთის საგარეო უწყების ხელმძღვანელმა.
კომენტარები