მოსკოვის სასამართლომ Crocus City Hall-ის ტერაქტის მე-11 ფიგურანტი დააპატიმრა. დაკავებული ტაჯიკეთის მოქალაქე მუჰამედ ზოირ შარიპზოდაა და მას გამოძიება ტერაქტის ერთ-ერთ დამგეგმავად მიიჩნევს.
5 აპრილს მოსკოვის ბასმანის სასამართლომ მეთერთმეტე ფიგურანტს წინასწარი პატიმრობა 22 მაისამდე მიუსაჯა.
მოსკოვის ოლქის ქალაქ კრასნოგორსკში Crocus City Hall-ის საკონცერტო დარბაზში შეიარაღებულმა პირებმა ცეცხლი 22 მარტს გახსნეს. თვითმხილველის განცხადებით, ინციდენტი ჯგუფ „პიკნიკის“ კონცერტის დაწყებამდე მოხდა – დარბაზის პარტერში სულ მცირე სამი შეიარაღებული პირი შეიჭრა და ავტომატებიდან ცეცხლი გახსნა. არსებული ინფორმაციით, თავდამსხმელებმა ასევე ააფეთქეს ხელყუმბარა, რის გამოც ხანძარი გაჩნდა.
გავრცელებული ინფორმაციით, თავდასხმაზე პასუხისმგებლობა დაჯგუფება „ისლამურმა სახელმწიფომ“ აიღო. რუსეთის უსაფრთხოების ფედერალური სამსახურის ცნობით, ტერაქტის საქმეზე დაკავებულია 11 ადამიანი, მათ შორის ოთხი ტერორისტი. სასამართლომ მათ წინასწარი პატიმრობა შეუფარდა. ბოლო მონაცემებით, ტერაქტის შედეგად დაღუპულთა რაოდენობა 144-მდე გაიზარდა.