რეზერვების გარკვეული წილის ფლობა ოქროში რაციონალურია, – ასე აფასებს თიბისი კაპიტალის მთავარი ეკონომისტი ოთარ ნადარაია სებ-ის გადაწყვეტილებას, რომელმაც რეზერვებს მონეტარული ოქრო დაამატა.
როგორც ნადარაია მიიჩნევს, ეს უკვე საერთო ტენდენციაა და რეზერვების გარკვეული ნაწილის ოქროში ფლობა საჭიროც კი არის.
„საერთო ტენდენციაა, რომ გარკვეული წილი საერთაშორისო რეზერვების არის ოქროში. მთლიანად არის გარკვეული რისკი, რადგანაც ოქროს ფასი არის მერყევი. მაგალითად თუ გეოპოლიტიკური ვითარება დასტაბილურდა, ეს გამოიწვევს ოქროს ფასის შემცირებას, მაგრამ რეზერვების გარკვეული წილის ფლობა ოქროში რაციონალურია“, – აღნიშნა ოთარ ნადარაიამ.
კომენტარები