გელა ბეჟუაშვილს განუცხადებია, რომ სირცხვილის გრძნობას განიცდის სააკაშვილის საკითხზე საზოგადოების და ხელისუფლების არასათანადო აქტიურობის გამო. ბატონო გელა, თქვენ ხშირად გეჩურჩულებოდათ პუტინი ყურში, გვახსოვს ეგ კადრები, მაგრამ, ახლა რა ჩაგჩურჩულათ, ეგ არის საინტერესო, – ამის შესახებ პირველი პრეზიდენტის შვილი გიორგი გამსახურდია Facebook-ზე წერს.
„გელა ბეჟუაშვილს განუცხადებია, რომ სირცხვილის გრძნობას განიცდის სააკაშვილის საკითხზე, საზოგადოების და ხელისუფლების არასათანადო აქტიურობის გამო. ასევე ამ სიმულანტ მასხარას, ქვეყნის 20%-ის და თითქმის ყველა (!) ეკონომიკური რესურსის რუსეთზე ჩამბარებელს, ზურაბ ჟვანიას, სხვა პოლიტიკური ოპონენტების, მოქმედი პოლიციელების (კრიმინალების დაკვეთით მოკლული პოლიციელები მყავს მხედველობაში) და სხვა უამრავი უდანაშაულო ხალხის მკვლელს, სახელმწიფოს შემქმნელად მოიხსენიებს და უფრო მეტიც, ჩვენი ქვეყნის მსოფლიო რუკაზე არსებობასაც მას უთვლის წვლილად.
ბატონო გელა, თქვენ ხშირად გეჩურჩულებოდათ პუტინი ყურში, გვახსოვს ეგ კადრები, მაგრამ ახლა რა ჩაგჩურჩულათ, ეგ არის საინტერესო. ისე კი, ნამდვილად იყო სირცხვილი, როდესაც თავფეხიანად რუსეთზე მიბმული, სამწუხაროდ საგარეო საქმეთა მინისტრის და საგარეო დაზვერვის ხელმძღვანელის პოსტს რომ იკავებდით“, – წერს გამსახურდია.
