ძალიან კარგია, რომ გუშინ ვიხილეთ ქუჩებში გამოსული ასიათასობით მოქალაქე, გაღიმებული და გაბრწყინებული სახეებით, – ამის შესახებ საქართველოს პრემიერ-მინისტრმა გიორგი კვირიკაშვილმა მთავრობის სხდომაზე განაცხადა.
„კიდევ ერთხელ გილოცავთ დამოუკიდებლობისს აღდგენის 25 წლის თავს. ძალიან კარგად ჩატარდა ღონისძიებები. მართლაც ეს იყო, საერთო სახალხო დღესასწაული. ეს არ ყოფილა დღესასწაული მხოლოდ მთავრობისთვის და მთავრობის სტურმებისთვის. ძალიან კარგია, რომ ჩვენ ვიხილეთ ჩვენი ქვეყნის ასი ათასობით მოქალაქე ქუჩებში გამოსული, გაღიმებული, გაბრწყინებული სახეებით. კიდევ ერთხელ გილოცავთ. მინდა, მადლობა გადავუხადო ორგანიზატორებს, ქალბატონ მაია ცქიტიშვილს და მთელ გუნდს, მთლიანად მთავრობის გუნდს, რომელმაც ძალიან ბევრი იშრომა ამ წარმატების მისაღწევად. კიდევ ერთხელ მინდა, მადლობა გადავუხადო ყველა სტუმარს, რომელმაც ჩვენთან ერთად გაიზიარა ეს სიხარული“, – განაცხადა პრემიერმა.