ისრაელის საგარეო საქმეთა მინისტრმა ისრაელ კაცმა სოციალურ ქსელ X-ში დაწერა, რომ თურქეთის მოსახლეობა მისი პრეზიდენტის რეჯეფ თაიფ ერდოღანის დიქტატურის ტყვეობაშია.
„ანტისემიტი დიქტატორი ერდოღანი გუშინ აშშ-ს და დასავლეთის ქვეყნებს თავს დაესხა და თქვა, რომ ისინი „ებრაელი სიონისტების ტყვეობაში არიან“. ერდოღან, თუ ვინმე იმყოფება ტყვეობაში, ეს თურქეთის მოქალაქეები არიან მას შემდეგ, რაც შენ ქვეყანაში ინსტაგრამის 57 მილიონი მომხმარებელი დაბლოკე, თუმცა შენს პირად ინსტაგრამ გვერდზე მათ წვდომა არ შეუზღუდე“, – დაწერა კაცმა.
მისი თქმით, თავდასხმები ისრაელზე მას არ შემცვლის. კაცი ამბობს, რომ ის თურქეთის მოქალაქეებამდე და მსოფლიომდე სიმართლის მიტანას გააგრძელებს.
„ლიდერი, რომელიც „ჰამასს“ მხარს უჭერს, საკუთარ ხალხს ჩაგრავს, და იქცევა როგორც დიქტატორი – დიქტატორია“, – ხაზგასმით აღნიშნა მან.