პოლიციის მხრიდან რაიმეს ჩადება, როგორც სისტემური პრობლემა, გამორიცხულია, – ამის შესახებ შინაგან საქმეთა მინისტრის მოადგილე შალვა ხუციშვილმა კამპანიის “არა ჩადებას” კომენტირებისას განაცხადა.
როგორც ხუციშვილმა აღნიშნა, შინაგან საქემთა სამინისტრო და მისი ხელმძღვანელობა ყველაფერს აკეთებს იმისთვის, რომ პოლიციამ მაქსიმალურად კანონის ფარგლებში იმუშაოს.
“რაც შეეხება კონკრეტულ შემთხვევას, თუ ვინმეს რაიმე პრეტენზია აქვს, არსებობს შესაბამისი მექანიზმები, ისეთი, როგორიცაა იგივე პროკურატურა, რომელიც პოლიცია არ არის და ასეთ საქმეებს დამოუკიდებლად იძიებს. დაინტერესებულ პირს შეუძლია პროკურატურას მიმართოს პოლიციის მხრიდან შესაძლო დარღვევაზე. ჩვენ მაქსიმუმს ვაკეთებთ იმისთვის, რომ ასეთი პრობლემები სისტემური არ იყოს”, – განაცხადა შალვა ხუციშვილმა.
კომენტარები