საქართველოში უკრაინის ნავთობისა და ენერგეტიკის ყოფილი მინისტრის მოადგილე იგორ კირიუშინი დანაშაულებრივ საქმიანობაში თანამონაწილეობის ბრალდებით სამართალდამცველებმა 25 მარტს დააკავეს.
ვიქტორ იანუკოვიჩის დროინდელი მაღალჩინოსნის დაკავების შესახებ ინფორმაციას უკრაინული მედია ქვეყნის გენპროკურორ იური ლუცენკოზე დაყრდნობით ავრცელებს.
“Гмадлобт мегобребі!”, – ამ სიტყვებით გამოხატავს იური ლუცენკო მადლიერებას ქართველი კოლეგების მიმართ.
“საქართველოს თემიდამ მიიღო გადაწყვეტილება, 90 დღის განმავლობაში ის დროებით იყოს დაკავებული, რათა მისი უკრაინაში ექსტრადირების საკითხი გადაწყდეს”, – აღნიშნავს გენპროკურორი ინფორმაციაში, რომელსაც სოციალური ქსელის მეშვეობით ავრცელებს.
კომენტარები