დაახლოებით სამ საათზე დაწყებულმა კოკისპირულმა წვიმამ, რომელიც 40 წუთი გაგრძელდა, ადიგენის მუნიციპალიტეტის სოფლები: ვარხანი, ბენარა და უნწა განსაკურებით დააზარალა.
ადიდებული მდინარე ოცხე და ღელეები გზაზე გადმოვიდა, დაიტბორა საცხოვრებელი სახლები და ნაკვეთები. ადიდებულმა წყალმა სოფელ ვარხანში ადგილობრივი სულხან მსხვილიძის საცხოვრებელი სახლის კედელი დაანგრია.
დღევანდელმა სტიქიამ ადიგენში ექვსი სოფელი დააზარალა: აბასთუმანი, ვარხანი, უნწა, ქიქინეთი, წახანი და ბენარა. დაისეტყვა სოფელი უდეც, თუმცა, აქ სტიქია იმ მასშტაბის არ იყო, როგორც სხვა სოფლებში.
სტიქიის ადგილზე მობილიზებულია საგანგებო სიტუაციების მართვის სამსახური.
წყარო: “სამხრეთის კარიბჭე”
კომენტარები
