აშშ-ის მიერ სირიაში, შაირათის ავიაბაზაზე განხორციელებული საჰაერო დარტყმების შედეგად, 9 სამხედრო თვითმფრინავია განადგურებული, – აღნიშნულის შესახებ ტელეარხ „როსია 24“-ის კორესპონდენტი ავიაბაზიდან მომზადებულ რეპორტაჟში იუწყება.
რეპორტაჟში ასევე ნაჩვენებია, რომ ერთ-ერთ ანგარს ცეცხლი უკიდია.
რეპორტაჟში აღნიშნულია, რომ ავიაბაზის აეროდრომის ასაფრენი ბილიკი დაზიანებული არ არის.
აშშ-მ სირიაზე სამხედრო იერიში განახორციელა. როგორც ცნობილი გახდა, ასადის რეჟიმის წინააღმდეგ ვაშინგტონმა 59 ე.წ. ტომაჰავკის ტიპის შორი რადიუსის მოქმედების რაკეტა გამოიყენა.
საჰაერო დარტყმები ჰომსში მდებარე შაირათის სამხედრო ბაზაზე, ხმელთაშუა ზღვიდან მოხდა, სადაც ორი ხომალდია განთავსებული.
კომენტარები