ცნობილია, რომ დონალდ ტრამპის ბრძანებით, ამერიკელმა სამხედროებმა სირიის შაირათის აეროდრომზე სარაკეტო იერიში მიიტანეს. ბოლო მონაცემებით, დაიღუპა 5 და დაიჭრა 7 სირიელი სამხედრო. შაირათის ბაზა პრაქტიკულად, მთლიანად განადგურდა.
ავიაიერიშს წინ უძღოდა ოპოზიცის მეირ კონტროლირებადი იდლიბის პროვინციაზე ასადის ავიაციის იერიში, რომლის დროსაც ქიმიური იარაღი იყო გამოყენებული. დაიღუპა 72 ადამიანი, მათ შორის ქალები და ბავშვები.
გაეროს უშიშროების საბჭომ საგანგებო სხდომაზე სირიასთან დაკავშირებით გადაწყვეტილება ვერ მიიღო. სხდომაზე მოსკოვისა და ვაშინგტონის წარმომადგენლების ურთიერთბრალდებები გაისმა.
აშშ-ის წარმომადგენლები აცხადებენ, რომ ბაშარ ასადი მომავალში ქიმიურ იარაღს აღარ გამოიყენებს.
„ქიმიური იარაღის გავრცელების და გამოყენების დაუშვებლობა ჩვენი ნაციონალური ინტერესების ნაწილია. ჩვენ მზად ვართ უფრო შორსაც წავიდეთ, თუმცა იმედი გვაქვს, რომ ეს საჭირო არ გახდება“, – განაცხადა აშშ-ის წარმომადგენელმა გაეროში, ნიკი ჰეილიმ.
თავის მხრივ, რუსეთის წარმომადგენელმა გაეროში, ვლადიმერ საფრონკოვმა აშშ-ის ქმედებას „ტერორისტების ხელშემწყობი“ უწოდა.