8 აპრილს, ღამით სტოკჰოლმის ტერაქტის შედეგად დაღუპულთა ხსოვნის პატივსაცემად, ეიფელის კოშკის განათება გაითიშება,-ამის შესახებ პარიზის მერი, ან იდალგო Twitter-ზე წერს.
მისი თქმით, განათება ადგილობრივი დროით, შუაღამისას ჩაქრება.
პარიზის მერმა სტოკჰოლმში ტერაქტის შედეგად დაღუპულთა ოჯახებს და ხელისუფლებას მიუსამძიმრა.
შეგახსენებთ, რომ 7 აპრილს, შვედეთის დედაქალაქ სტოკჰოლმში სავაჭრო ცენტრის მიმდებარე ტერიტორიაზე სატვირთო ავტომობილის მძღოლი გამვლელებს დაეჯახა. ამ დროისთვის არსებული ბოლო ინფორმაციით, შემთხვევის შედეგად მინიმუმ 4 ადამიანია დაღუპული. დაშავებულია 15 ადამიანი.
კომენტარები