ეგვიპტელმა მუსლიმებმა ტერაქტის შედეგად დაშავებული ქრისტიანებისთვის სისხლი გაიღეს. ისინი მეჩეთებში შეიკრიბნენ. მოქალაქეებს სისხლის ჩაბარებისკენ ხმის გამაძლიერებლებით მოუწოდეს.
ქვეყანაში სამდღიანი გლოვაა.
ტერაქტებზე პასუხისმგებლობა ისლამურმა სახელმწიფომ აიღო.
პრეზიდენტ აბდულ ფათაჰ ალ სისის ბრძანებით, შეიარაღებული ძალები პოლიციას მნიშვნელოვანი ობიექტების დაცვაში დაეხმარება – ინფორმაციას REUTERS-ი ავრცელებს.
ტანტის წმ. გიორგის სახელობის კოპტურ ეკლესიაში აფეთქებას 26 ადამიანი ემსხვერპლა, 70-ზე მეტი დაშავდა. აფეთქება მოხდა პოლიციის საწვრთნელ ცენტრთანაც.
ალექსანდრიის წმ. მარკოზის სახელობის კოპტურ ეკლესიასთან ტერორისტმა თავი აიფეთქა. დაიღუპა 16 და დაშავდა 70-მდე ადამიანი. ეკლესიაში იმყოფებოდა სრულიად აფრიკის და ალექსანდრიის პაპი, პატრიარქი თეოდორე II.
კომენტარები