“ეს იყო დაუგეგმავი და წინასწარ მოუმზადებელი, პოლიციის იმ დანაყოფებს რომელიც ადგილზე იმყოფებოდნენ დასჭირდათ გარკვეული დახმარება და ალბათ, საკმარისი რესურსი იმისთვის, რომ გადასულიყვნენ მყისიერ მოქმედებაზე”,- ამის შესახებ შინაგან საქმეთა მინისტრის მოადგილემ, შალვა ხუციშვილმა განაცხადა.
“თუმცა ეს რესურსი რომც ყოფილიყო ამას წინ უნდა წაძღოლოდა მოალაპარაკების პროცესი, ამიტომ მოხდა გეგმიური გადასროლა, როგორც ამ შემთხვევაში ხდება ხოლმე დამატებით ძალების მობილიზება და პარალალურ რეჟიმში განვითარდა მოვლენები, როცა დაცულ ობიექტზე ან პოლიციის შენობაზე დაიწყო თავდასხმები.
ამ შემთხვევაში პოლიციის კანონის 33 მუხლი გვეუბება, რომ ცრემლსადენი გაზი, წიწაკის გაზი და არალეტალური იარაღი გამოიყენება პირზე, პოლიციელზე ან დაცულ ობიექტზე თავდასხმის მოსაგერიებლად. მართლწესრიგის ჯგუფური დარღვევის აღსაკვეთად. იმისთვის რომ პოლიცია არ გადასულიყო პირდაპირ კონტაქტზე და მიმდინარეობდა აგრესიული თავდასხმა პოლიციაზე, დიტანციურად იგივე ფეთქებად საშიშ სითხით სავსე ბოთლების და ქვების, პოლიციამ უპასუხა პროპორციულად, რომ მოეგერიებინა ეს თავდასხმა და არ გადასულიყო უშუალო კონტაქტზე, რაც გამოიწვევდა უფრო მეტ ესკალაციას.
აქ საუბარია იმაზე, რატომ არ იყო გამოყენებული წყლის სატყორცნი მანქანა, ეს არის მე რაც მაქვს ინფორმაცია იმ წუთში შეფასებით იმდენად აგრესიული იყო მოქმედება, რომ პოლიციამ კანონის ფარგლებში გამოიყენა ეს დისკრეციული უფლება და ის საშუალება, იმიტომ რომ წყლის შემთხვევაში შესაძლებელი იყო დამატებითი კონტაქტი ყოფილიყო სპეცრაზმსა და მოქალაქეებს შორის, რისი თავიდან აცილებაც გვინდოდა ჩვენ იმ წუთში”,- განაცხადა ხუციშვილმა.