როგორც კი სახელმწიფომ ფიზიკური ძალადობის წყარო გამოაცალა, მორალურ და ფსიქოლოგიურ ძალადობაზე გადავიდნენ. სულით და ხორცით მოძალადეები არიან, – განაცხადა „ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა მამუკა მდინარაძემ.
მისივე თქმით, სადამდეც არის მოთმენის შესაძლებლობა, პოლიციელები ითმენენ ვაჟკაცურად, თავისი მუნდირის შესაბამისად, მაგრამ როგორც კი გაუსაძლისია და პასუხის გარეშე შეუძლებელია მოგერიება, გადადიან მოქმედებაზე და ამის გამო ზოგიერთი ფაშისტი ტელევიზიის ჟურნალისტი სახლებში ადგება მათ მშობლებს.
„თუ ვინმეს ჰგონია, რომ აქციაზე ხალხი თავისით გადის, მილიონების პიროტექნიკას თავისით ყიდულობს და თავისით ხდება რაღაცები, არის ტყუილი. გუშინ დადასტურდა, რომ პარტიული ოფისებიდან იმართებოდა პროცესი. „ნაცმოძრაობის“ პარტიული სხვადასხვა ოფისიდან იმართება და მარაგდება პროცესი. წინასწარ, 16-20 დეკემბრისათვის ნაყიდი პიროტექნიკა და აალებადი ნივთიერებები, მათ შორის არაა რთული დასამზადებელი, თუ იცი დამზადება მოლოტოვის კოქტეილების და მათთვის დასამზადებელი ნივთიერებები, ბენზინი, დიზელი, თავისი ბოთლებით, კოხტად დაჭრილი ნაჭრებით და ა.შ. მთელი ეს შეიარაღება „მშვიდობიანი“ აქციისათვის ამოიღეს „ნაცმოძრაობის ოფისებიდან“ უცხოური ფულით დაფინანსებული, მათ შორის რუსული ფულით დაფინანსებული, ამას არ ვლაპარაკობ შემთხვევით. არც ათეულობით რუსი ინსტრუქტორი აღმოჩენილა აქ შემთხვევით. სად, რა არის აღრეული და რომელი ინსტრუქტორი საიდან არის ჩამოსული თვითონ ვერ არკვევენ და ჩვენც გვიჭირს გარკვევა, მაგრამ საბოლოოდ ვერკვევით. ისინი იმართებიან პარტიული ოფისებიდან და შემდეგ იყოლიებენ გულწრფელ ადამიანებსაც, არის ასეთი შემთხვევებიც, მაგრამ ის გულწრფელი ადამიანები მეტწილად მშვიდობიანად დგანან. გუშინ, როგორც კი მშვიდობიანი აქცია იყო, პოლიცია არ განძრეულა. მთლად არაფერი მომხდარა და ერთი ქვაც არ უსვრიათ აქციის მონაწილეებს – ასეც არ იყო. მაგრამ სადამდეც არის მოთმენის შესაძლებლობა, პოლიციელები ითმენენ ვაჟკაცურად, თავისი მუნდირის შესაბამისად, მაგრამ როგორც კი გაუსაძლისია და პასუხის გარეშე შეუძლებელია მოგერიება, გადადიან მოქმედებაზე და ამის გამო, ზოგიერთი ფაშისტი ტელევიზიის ჟურნალისტი სახლებში ადგება მათ მშობლებს. როგორც კი სახელმწიფომ ფიზიკური ძალადობის წყარო გამოაცალა, მორალურ და ფსიქოლოგიურ ძალადობაზე გადავიდნენ. სულით და ხორცით მოძალადეები არიან“, – აღნიშნა მდინარაძემ.