რუსეთის გამოძიების ფედერალური ბიუროს ინფორმაციით, 3 აპრილს სანქტ-პეტერბურგის მეტროსადგურში მომხდარი ტერაქტის ერთ-ერთი ორგანიზატორი აბრორ აზიმოვი ცოტა ხნის წინ მოსკოვის შემოგარენში დააკავეს. ინფორმაციას რუსული სააგენტო РИА ავრცელებს.
სააგენტოს ინფორმაციით, აზიმოვი საგამოძიებო მოქმედებების ჩასატარებლად რუსეთის ფედერაციის საგამოძიებო კომიტეტში უკვე გადაყვანილია.
3 აპრილს, სანქტ-პეტერბურგის მეტროში აფეთქება მოხდა. დაიღუპა 15 და დაშავდა 50-მდე ადამიანი. აფეთქება მატარებლის ვაგონში მოხდა. მეტროს კიდევ ერთ სადგურში აღმოაჩინეს ბომბი, რომელიც არ აფეთქდა, ის გააუვნებელყვეს. არსებული ინფორმაციით მეორე ასაფეთქებელი მოწყობილობის სიმძლავრემ 1 კილოგრამი ტროტილის ეკვივალენტი შეადგინა, რაც სამ-ხუთჯერ მძლავრია აფეთქებულზე.
გამოძიების ცნობით ტერორისტი, რომელმაც თავი აიფეთქა 1995 წელს დაბადებული ყირგიზი, აკბარჯონ ჯალილოვი იყო.