თურქეთში პოლიციის ვერტმფრენმა კატასტროფა განიცადა. საფრენი აპარატის ბორტზე სულ 12 ადამიანი იმყოფებოდა. ინფორმაციას ადგილობრივი მედია ავრცელებს.
ბორტზე მყოფთა შორის იყვნენ: 7 პოლიციელი, 2 მოსამართლე და ეკიპაჟის 3 წევრი. თურქული სააგენტოების ცნობით, შემთხვევა ადგილობრივი დროით 13:30 საათზე მოხდა. ვერტმფრენმა კატასტროფა აფრენიდან 10 წუთში განიცადა. წინასწარი ინფორმაციით, კატასტროფის მიზეზი შესაძლოა უამინდობა გამხდარიყო. ბორტზე მყოფი მოსამართლეები საარჩევნო კომისიის წევრები იყვნენ.
სამძებრო-სამაშველო სამუშაოებში სამხედროები და მაშველები ჩაერთვნენ.
კომენტარები