უკრაინის რადას უმრავლესობის წევრმა ოლეგ ბარნამ ოდესის ყოფილი გუბარნატორი მიხეილ სააკაშვილი რუსეთის პრეზიდენტის ვლადიმირ პუტინისადმი დახმარების გაწევაში დაადანაშაულა.
სააკაშვილმა პოროშენკოს მოღვაწეობა გააკრიტიკა და უკრაინის უშიშროების სამსახურის უფროსი პაველ დემჩინი ქვეყნის „მტრად” გამოაცხადა და დასძინა, რომ მას ქვეყნის გამყიდველები ვერ დააშინებენ.
ამის შემდეგ ბარნამ ყველასათვის მოულოდნელად ექს-გუბერნატორი მოსკოვთან კავშირებში დაადანაშაულა.
„გამოდის, რომ პოროშენკოს წინააღმდეგ პუტინთან ერთიანდებით. არ გიხდებათ ეს!” – განაცხადა ბარნამ.
სააკაშვილმა თავი ვერ შეიკავა და საპასუხოდ უყვირა დეპუტატს.
„ჩემთვის მიუღებელია თქვენი სიტყვები, თითქოს მე პუტინთან ვარ შეკრული. მე არ მაქვსფაბრიკა რუსეთში“, – განაცხადა სააკაშვილმა.
საქართველოს ყოფილი პრეზიდენტი მიხეილ სააკაშვილი 2015 წლის 13 თებერვალიდან 2016 წლის 7 ნოემბერამდე ოდესის ოლქის გუბერნატორი იყო. ამჟამად საქართველოს ექს-პრეზიდენტი უკრაინის მთავრობის ოპოზიციაშია და საკუთარი პარტია აქვს.
წყარო: http://pia.ge/