ავღანეთში მომხდარი თავდასხმის შედეგად, დაღუპულთა რიცხვი იზრდება. ბოლო მონაცემებით, გარდაცვლილია 150 ადამიანი.
ქალაქ მაზარ-ი-შარიფთან, ავღანურ ქვედანაყოფზე თავდასხმა იმ ბაზიდან 20 კილომეტრის მოშორებით განხორციელდა, სადაც ქართველი ჯარისკაცები მსახურობენ. შესაბამისად, ქართული ასეული საქმიანობას ჩვეულ რეჟიმში განაგრძობს და თავს უსაფრთხოდ გრძნობს, – ამის შესახებ განცხადებას თავდაცვის სამინისტრო ავრცელებს.
გუშინ, ავღანურ ქვედანაყოფს 15 ამბოხებული დაესხა თავს. ამ დროის მონაცემებით, თხუთმეტივე თავდამსხმელი ლიკვიდირებულია.
კომენტარები