ეს არის კიდევ ერთი ნათელი მაგალითი, თუ როგორ მოქმედებს საკუთარი სამშობლოს მოსახლეობის წინააღმდეგ რადიკალური ოპოზიცია, – განაცხადა პარლამენტის ფრაქცია „ქართული ოცნების“ აპარატის უფროსმა ავთანდილ კუნჭულიამ, რომელიც ნიკა გვარამიასა და ზურა გირჩი ჯაფარიძის სტრასბურგში გამგზავრებას ეხმიანება.
„ეს არის კიდევ ერთი ნათელი მაგალითი, თუ როგორ მოქმედებს საკუთარი სამშობლოს მოსახლეობის წინააღმდეგ რადიკალური ოპოზიცია. ვნახეთ, რომ 2017 წელს ისინი ითხოვდნენ საქართველოს ვიზალიბერალიზაცია არ მიეღო. შემდგომ ვნახეთ გაგზავნილი წერილი, სადაც ითხოვდნენ უვიზო მიმოსვლის შეჩერებას ქართველი ხალხისთვის. ისინი არიან ის უცვლელი სახეები, რომლებიც წარმოადგენენ რეჟიმს და კვლავაც ცდილობენ ქართველი ხალხის წინააღმდეგ გაილაშქრონ, თუმცა კოვზი ნაცარში კიდევ ერთხელ ჩაუვარდებათ და ქართველი ხალხი არ აპატიებს მათ ქართული საზოგადოების წინააღმდეგ გადადგმულ ნაბიჯებს“, – აღნიშნა კუნჭულიამ.
ნიკა გვარამია და ზურა გირჩი ჯაფარიძე სტრასბურგში საქართველოს მოქალაქეების დასანქცირების სიით გაემგზავრნენ. არსებული ინფორმაციით, საუბარი იქნება ვიზალიბერალიზაციის შეჩერებასა და ახალ არჩევნებზე.