ავღანეთში აშშ-ის სამხედრო ბაზასთან ბომბი აფეთქდა

ავღანეთის აღმოსავლეთ ნაწილში, ხოსთის პროვინციაში აშშ-ის სამხედრო ბაზასთან მანქანაში დამონტაჟებული ბომბი აფეთქდა, – იუწყება სააგენტო „როიტერსი“.
აფეთქება Forward Operating Base Chapman-ის ბაზის შესასვლელთან მოხდა, რომელიც ამერიკელი სამხედროებისა და კერძო სამხედრო კომპანიების მართვის ქვეშაა, – განაცხადა ხოსთის პროვინციის გუბერნატორის წარმომადგენელმა მურაბეზ მოჰამად ზადრანმა. მისივე განმარტებით, ბაზაზე წვდომა არ აქვს და დეტალების შესახებ ინფორმაციას არ ფლობს.
ავღანეთში აშშ-ის შეიარაღებული ძალების წარმომადგენელმა უილიამ სალვინმა აღნიშნული ფაქტი დაადასტურა. მისი თქმით, ავღანეთის მოქალაქეებს შორის შესაძლოა დაშავებულები იყვნენ. აშშ-ის სამხედროები ინციდენტის შედეგად არ დაშავებულან.
დღეს, აშშ-ის თავდაცვის მდივანი ჯეიმს მეტისი ვიზიტით ავღანეთს ეწვია.