საფრანგეთის პრეზიდენტი ფრანსუა ოლანდი საფრანგეთის საპრეზიდენტო არჩევნების მეორე ტურში მხარს ემანუელ მაკრონს დაუჭერს, – ამის შესახებ ოლანდმა ელისეს სასახლიდან გაკეთებულ განცხადებაში აღნიშნა.
“მე ხმას ემანუელ მაკრონს მივცემ. მაკრონი იმ ღირებულებების ერთგულია, რომელიც ფრანგი ხალხის გაერთიანებას უზრუნველყოფს. ჩემი ვალდებულებაა კიდევ ერთხელ განვსაზღვრო, თუ რა დევს ფსონზე. ულტრამემარჯვენეების ყოფნა სარისკოა ჩვენი ქვეყნისთვის. ამგვარი რისკის წინაშე შეუძლებელია ჩუმად იყო. ფსონზე ფრანგი ხალხის ერთიანობა დევს“, – განაცხადა საფრანგეთის პრეზიდენტმა სიტყვით გამოსვლისას.
საპრეზიდენტო არჩევნების პირველ ტურში ემანუელ მაკრონმა ამომრჩეველთა ხმების 23,75% მიიღო, მარინ ლე პენმა კი 21,53%.
კომენტარები