თურქეთის პრეზიდენტი რეჯეფ თაიფ ერდოღანი ფრანგ პოლიტოლოგ ფილიპ დეფარჟას სასამართლოში უჩივის.
აღნიშნავენ, რომ თურქეთის პრეზიდენტის ადვოკატი ხუსეინ აიდინი საქმის აღძვრას „მკვლელობის მცდელობის წაქეზების“ ბრალდებით აპირებს.
საჩივარის მთავარი მიზეზი დეფარჟის კომენტარი გახდა, რომელმაც მან ტელეკომპანია BFM Business-ს მისცა. რეფერენდუმის შედეგებზე მსჯელობისას, მან განაცხადა, რომ კანონიერი პლებისციტი საქმეს ვეღარ გამოასწორებს – „დარჩა მხოლოდ სამოქალაქო ომი ან ერდოღანის მკვლელობა“, – განაცხადა პოლიტოლოგმა.
16 აპრილს თურქეთში კონსტიტუციის ცვლილებაზე გამართულ რეფერენდუმში ერდოღანმა გაიმარჯვა. პრეზიდენტის უფლებამოსილებების გაზრდას ამომრჩევლების 51,41%-მა დაუჭირა მხარი.
კომენტარები