გერმანიის კანცლერი და „სოციალ-დემოკრატიული პარტიის“ ლიდერი ოლაფ შოლცი თანამდებობის შენარჩუნების შანსებს ოპტიმისტურად აფასებს.
პოტსდამში, თავის მშობლიურ საარჩევნო ოლქში ვიზიტისას, ოლაფ შოლცმა გამოთქვა რწმენა, რომ წინა არჩევნების მსგავსად „კვლავ შეძლებს გამარჯვებას“.
თავისი ოპტიმიზმი ოლაფ შოლცმა იმით ახსნა, რომ გერმანიაში ბევრ ამომრჩეველს ჯერ არ გადაუწყვეტია, ვის მისცეს ხმა.
„მე არ მჯერა სასწაულების, მაგრამ მჯერა არჩევნებში გამარჯვების. დარწმუნებული ვარ, რომ ამჯერად ბევრი ადამიანი მხოლოდ საარჩევნო უბანზე გადაწყვეტს, თუ ვის მისცეს ხმა“, – განაცხადა გერმანიის კანცლერმა.
ოლაფ შოლცის აზრით, ბევრი გერმანელი გადაწყვეტს, ხმა მისცეს „სოციალ-დემოკრატიულ პარტიას“, „რათა ჩვენ საკმარისად ძლიერები ვიყოთ და მთავრობამ შეძლოს, მუშაობის გაგრძელება ჩემი ხელმძღვანელობით“.
გერმანიაში ვადამდელი საპარლამენტო არჩევნები ხვალ, 23 თებერვალს გაიმართება.