ეროვნული უსაფრთხოების საკითხებში აშშ-ის პრეზიდენტის მრჩეველმა, მაიკ უოლცმა განაცხადა, რომ უკრაინის ნატოში გაწევრიანების საკითხი დღის წესრიგში არ დგას. ინფორმაციას ამის შესახებ უკრაინული მედია ავრცელებს.
ტელეკომპანია Fox News-თან ინტერვიუში, უკრაინის ნატოში გაწევრიანების შესაძლებლობის შესახებ კითხვაზე, ტრამპის მრჩეველმა უპასუხა, რომ „ეს საკითხი არ განიხილება“.
„ვერ ვხედავ, რომ აშშ მხარს უჭერდეს უკრაინის ნატოში გაწევრიანებას და რომ ამერიკის შეერთებული შტატების ჯარები ფაქტობრივად ვალდებული იყვნენ [ნატოს წესდების] მე-5 მუხლის მიხედვით დაუყოვნებლივ დაეხმარონ უკრაინას თავდაცვაში“, – აღნიშნა შშ-ის პრეზიდენტის მრჩეველმა.
კომენტარები