“დიდი ბრიტანეთი გააგრძელებს უკრაინისთვის სადაზვერვო ინფორმაციის მიწოდებას”

დიდი ბრიტანეთი გააგრძელებს უკრაინისთვის სადაზვერვო ინფორმაციის მიწოდებას, – ამის შესახებ გამოცემა „გარდიანი“ წერს.

გამოცემის წყაროების ცნობით, ამავე დროს „დიდი ბრიტანეთი აღიარებს, რომ მათი და ევროპის ქვეყნების შესაძლებლობები უფრო შეზღუდულია, ვიდრე შეერთებული შტატების“.

„ისინი არ არის ისეთი მასშტაბური, როგორიც აშშ-ის შესაძლებლობები, ვერ დაიკავებს მათ ადგილს, მაგრამ საშუალებას მისცემს უკრაინას, მიიღოს გარკვეული ადრეული გაფრთხილება თავდასხმის შესახებ“, – განუცხადა გამოცემას წყარომ.

შეგახსენებთ, 4 მარტს ცნობილი გახდა, რომ ტრამპმა უკრაინას ყველა სახის სამხედრო დახმარება შეუჩერა, მათ შორის ისიც, რაც უკვე გზაში იყო. 5 მარტს კი ცნობილი გახდა, რომ აშშ-მა უკრაინისთვის სადაზვერვო ინფორმაციის მიწოდება შეაჩერა.