სამხრეთ კორეის პრეზიდენტმა, რომელიც იმპიჩმენტის საკითხის გამო თანამდებობიდან დროებით გადააყენეს, საპატიმრო დატოვა.
„როიტერის“ ინფორმციით, სასამართლომ იუნ სუკ იოლის პატიმრობის გაგრძელების მოთხოვნა არ დააკმაყოფილა.
64 წლის იუნ სუკ იოლის უფლებამოსილება კვლავ შეჩერებული აქვს. საბოლოო გადაწყვეტილება მისი ოფიციალური გათავისუფლების ან უფლებამოსილების აღდგენის შესახებ საკონსტიტუციო სასამართლომ უნდა მიიღოს.
სამხრეთ კორეის პრეზიდენტი 15 იანვარს დააკავეს. მან 3 დეკემბერს, ჯერ კიდევ მაშინ, როდესაც პრეზიდენტის პოსტს იკავებდა, ქვეყანაში მოულოდნელად საომარი მდგომარეობა გამოაცხადა და არჩევნებში გამარჯვებულ თავის ოპონენტებს პარლამენტში შესვლის საშუალებას არ აძლევდა. საპასუხოდ, პარლამენტმა მის წინააღმდეგ იმპიჩმენტის პროცედურა დაიწყო და თანამდებობიდან გადააყენა.