სირიის თავდაცვის სამინისტროს განცხადებით, ასადის მომხრეების წინააღმდეგ ჩატარებული სამხედრო ოპერაცია დასრულებულია. გავრცელებული ინფორმაციით, ბოლო ორი დღის განმავლობაში, ჯამში, 1 000-ზე მეტი ადამიანი ემსხვერპლა სირიაში ახალი მთავრობის ძალებსა და ასადის ალავიტური სექტის მებრძოლებს შორის მიმდინარე შეიარაღებულ დაპირისპირებას.
თავდაცვის სამინისტროს სპიკერმა, ჰასან აბდულ განიმ განაცხადა, რომ საჯარო დაწესებულებებს ახლა უკვე შეუძლიათ მუშაობა განაახლონ.
„ჩვენ გზას ვუხსნით ცხოვრების ნორმალურ რიტმში დაბრუნებას, უსაფრთხოებისა და სტაბილურობის კონსოლიდაციას“, – ამბობს აბდულ განი.
მისი თქმით, ყოფილი ხელისუფლების ნარჩენების წინააღმდეგ ბრძოლა კვლავ გრძელდება, იმისთვის რომ სირიაში უსაფრთხოების კუთხით არსებული გამოწვევები აღმოიფხვრას.
კომენტარები