აშშ-ის მიერ მხარდაჭერილმა სირიელი ქურთების დაჯგუფებამ სირიის მთავრობასთან შეთანხმებას მოაწერა ხელი. ამის შესახებ სირიის პრეზიდენტის ადმინისტრაციამ განაცხადა.
შეთანხმებას ხელი მოაწერეს სირიის დროებითმა პრეზიდენტმა, აჰმედ ალ-შარაამ და აშშ-ის მიერ მხარდაჭერილმა სირიელი ქურთების დაჯგუფების მეთაურმა, მაზლუმ აბდიმ.
შეთანხმების თანახმად, ჩრდილო-აღმოსავლეთ სირიის ყველა სამოქალაქო და სამხედრო ინსტიტუტი ინტეგრირებული იქნება სახელმწიფოს ფარგლებში, რომელიც ამგვარად აიღებს საზღვრების, აეროპორტებისა და ნავთობისა და გაზის საბადოებზე კონტროლს. შეთანხმება ასევე განსაზღვრავს ყველა სირიელის უფლებას პოლიტიკურ პროცესში მონაწილეობაზე.
ასევე, აშშ-ის მიერ მხარდაჭერილი სირიელი ქურთების დაჯგუფება თანხმდება, მხარი დაუჭიროს მთავრობას გადაყენებული პრეზიდენტის, ბაშარ ალ-ასადის რეჟიმის მხარდამჭერების წინააღმდეგ ბრძოლაში და სირიის უსაფრთხოებისა და ერთიანობისთვის ნებისმიერი საფრთხის წინააღმდეგ.