ფილიპინების ყოფილი პრეზიდენტი, როდრიგო დუტერტე მანილას აეროპორტში ჰააგის სისხლის სამართლის საერთაშორისო სასამართლოს მიერ გაცემული ორდერის საფუძველზე დააკავეს. ინფორმაციას Bloomberg-ი ავრცელებს.
დუტერტე სამშობლოში ჰონგკონგიდან ბრუნდებოდა, როცა ის სამართალდამცველებმა აიყვანეს. ამჟამად ის ერთ-ერთ საპატიმრო დაწესებულებაში იმყოფება.
როგორც სააგენტო წერს, ინტერპოლის ფილიპინურმა განყოფილებამ უკვე მიიღო სისხლის სამართლის საერთაშორისო სასამართლოს მიერ გაცემული ორდერის ასლი.
79 წლის დუტერტე ფილიპინების პრეზიდენტი 2016 – 2022 წლებში იყო. სისხლის სამართლის საერთაშორისო სასამართლო მას კაცობრიობის წინააღმდეგ დანაშაულის ჩადენაში სდებს ბრალს. საქმე ეხება მის მიერ ნარკომოვაჭრეებთან გაჩაღებულ ბრძოლას, რა დროსაც 12-დან 30 ათასამდე მშვიდობიანი მოქალაქე დაიღუპა.
კომენტარები