იენს სტოლტენბერგმა გამორიცხა ჩრდილოატლანტიკური ალიანსის ჩარევა აშშ–სა და ჩრდილოეთ კორეას შორის კონფლიქტში.
„გასულ კვირაში მრავალი საათი გავატარე თეთრ სახლში და მინდა დაგარწმუნოთ, რომ დისკუსია საერთოდ არ შეხებია ნატოს როლს ამერიკის შეერთებულ შტატებსა და ჩრდილოეთ კორეას შორის კონფლიქტში“, – განაცხადა სტოლტენბერგმა გერმანულ გაზეთ Welt am Sonntag–თან ინტერვიუში, რომლის ამონარიდებიც დღეს გამოქვეყნდა.
ამასთან, ნატოს გენმდივანმა ფხენიანის ხელისუფლება რეგიონის დესტაბილიზაციაში დაადანაშაულა და დაგმო მათი მხრიდან გაეროს რეზოლუციების მუდმივი დარღვევები. ინტერვიუს სრული ვერსია 30 აპრილს გამოქვეყნდება.
კომენტარები