აშშ-ის პრეზიდენტმა, დონალდ ტრამპმა განაცხადა, რომ დღევანდელი დღე ერთ-ერთი ყველაზე მნიშვნელოვანი დღეა ამერიკის ისტორიაში.
აშშ-ის ლიდერი დღეს ხელს მოაწერს განკარგულებას, რომლითაც სხვადასხვა ქვეყანაზე საპასუხო ტარიფებს დააწესებს.
„ეს ჩვენი ეკონომიკური დამოუკიდებლობის გამოცხადებაა“, – განაცხადა დონალდ ტრამპმა.
პრეზიდენტმა განაცხადა, რომ აშშ ტარიფებიდან მიღებულ თანხებს გამოიყენებს „ჩვენი გადასახადების შესამცირებლად და სახელმწიფო ვალის დასაფარად“.
„წლების განმავლობაში, მშრომელი ამერიკელი მოქალაქეები იძულებულნი იყვნენ გვერდზე მდგარიყვნენ, როდესაც სხვა ერები მდიდრდებოდნენ და ძლიერდებოდნენ, დიდწილად ჩვენი ხარჯებით. მაგრამ ახლა ჩვენი ჯერია გავძლიერდეთ“, – დასძინა მან.
კომენტარები