პარლამენტის დროებითი საგამოძიებო კომისიის სხდომაზე დღეს „გახარია – საქართველოსთვის“ ლიდერი, გიორგი გახარია იმყოფებოდა. კომისიის თავმჯდომარემ, თეა წულუკიანმა და სხვა წევრებმა მას შინაგან საქმეთა მინისტრისა და პრემიერ-მინისტრის თანამდებობებზე მის მიერ გაწეული საქმიანობისა და მიღებული გადაწყვეტილებების შესახებ დაუსვეს შეკითხვები.
კითხვები 2019 წლის 20 ივნისის მოვლენებსაც ეხებოდა. პასუხების გაცემისას გიორგი გახარიამ 38-ჯერ თქვა, რომ არ ახსოვს ის საკითხი, რაზეც კომისიის წევრები მისგან პასუხს ელოდნენ.
მოსმენა 7 საათის განმავლობაში მიმდინარეობდა. დაისვა ბევრი კითხვა და კომისიის წევრებმა ბევრი ურთიერთგამომრიცხავი პასუხიც მიიღეს.
კომენტარები