ისრაელის პრემიერ-მინისტრმა, ბენიამინ ნეთანიაჰუმ საფრანგეთის პრეზიდენტს, ემანუელ მაკრონს განუცხადა, რომ პალესტინის სახელმწიფოდ აღიარება „ჰამასისა“ და ირანის გამარჯვება იქნება.
ემანუელ მაკრონთან სატელეფონო საუბრისას ნეთანიაჰუმ „მწვავე წინააღმდეგობა გამოთქვა პალესტინის სახელმწიფოს შექმნის მიმართ და განაცხადა, რომ ეს ტერორიზმისთვის უზარმაზარი ჯილდო იქნება“.
„ისრაელის ქალაქებიდან რამდენიმე წუთის სავალზე მდებარე პალესტინის სახელმწიფო ირანული ტერორიზმის დასაყრდენი გახდება“, – აღნიშნა ისრაელის მთავრობის მეთაურმა.
გასულ ოთხშაბათს მაკრონმა განაცხადა, რომ საფრანგეთმა შესაძლოა უახლოეს თვეებში პალესტინის სახელმწიფო აღიაროს.
კომენტარები