ევროკავშირმა რუსული თხევადი ბუნებრივი აირის იმპორტის აკრძალვის შემოღება გადადო. ინფორმაციას ამის შესახებ სააგენტო Reuters-ი ევროკავშირის ოფიციალურ წყაროებზე დაყრდნობით ავრცელებს.
როგორც სააგენტო Reuters-ი აღნიშნავს, ასეთი გადაწყვეტილების მიზეზი ზოგიერთი მთავრობის წინააღმდეგობა და ალტერნატიული მიწოდების წყაროების გაურკვევლობაა.
ამის ნაცვლად, ევროკომისიას სურს შეიმუშაოს ახალი საგზაო რუკა, რათა 2027 წლისთვის ევროკავშირის რუსულ ენერგომატარებლებზე დამოკიდებულება დასრულდეს. გეგმა მაისის დასაწყისში უნდა გამოცხადდეს, მაგრამ დეტალები ჯერჯერობით მწირია.
ივნისამდე ევროკომისია, სავარაუდოდ, რუსეთის წინააღმდეგ სანქციების ახალ, უკვე მე-17 პაკეტს შესთავაზებს. თუმცა, ევროპელი ჩინოვნიკები ამბობენ, რომ მასზე მუშაობა ნელა მიმდინარეობს.
კომენტარები