საქართველოს მორჩილებისთვის საკმაოდ დიდი თანხები იხარჯება და გარედან იწერება სცენარი და შიგნიდან ამისთვის მოძებნეს გარკვეული ჯგუფი აგენტურისა, – განაცხადა „ხალხის ძალის“ თავმჯდომარემ დიმიტრი ხუნდაძემ სალომე ზურაბიშვილის და უჩა ნანუაშვილის რუსი „პრანკერების“ მახეში გაბმასთან დაკავშირებით.
მისი თქმით, სწორედ ამისთვის იყო საჭირო, როგორც „გამჭვირვალობის შესახებ“ კანონი, ასევე „გრანტების შესახებ“ კანონი.
„სწორედ ამიტომ იყო საჭირო „გამჭვირვალობის შესახებ“ კანონი, სწორედ ამიტომ იყო საჭირო „გრანტების შესახებ“ კანონი და სწორედ ამიტომ არის საჭირო, რომ ქვეყანას ჰქონდეს „სამშობლოს ღალატის“ შესახებ მუხლი“, – განაცხადა დიმიტრი ხუნდაძემ.
ცნობისთვის, რუსი „პრანკერები“ გადაცემა „ანტი-ფეიკში“ გამოჩნდნენ, რომელშიც განაცხადეს, რომ ამჯერად მათი მიზანი იყო გარკვეულიყვნენ რა იყო საქართველოში მიმდინარე აქციებისა და არეულობის მიზეზი. ამ მიზნით კი მათ ზურაბიშვილთან და ნანუაშვილთან გასაუბრება გადაწყვიტეს. გადაცემაში ჩანაწერის ნაწყვეტები გავიდა.
სალომე ზურაბიშვილი რუსი „პრანკერების“ მახეში გაება. ზურაბიშვილი აღიარებს, რომ უცხოეთიდან ფინანსდება და ახლა ევროპიდან თანხის გაჭიანურებაზე დარდობს. ფინანსებს ითხოვს უჩა ნანუაშვილიც.