გადატრიალებას აპირებდნენ, USAID-დან შავი თანხები გამოიყოფოდა. „ენჯეოები“ და ოპოზიცია არ უარყოფენ, რომ დასავლეთიდან იღებენ ფულებს, რათა პიროტექნიკა შეიძინონ, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.
მისივე თქმით, სახელმწიფო უსაფრთხოების სამსახურის ანგარიშს ეჭვქვეშ დაყენებით, ეჭვქვეშ აშშ-ის პრეზიდენტის ბრძანება იქნება დაყენებული.
„გადატრიალებას აპირებდნენ არა მხოლოდ საქართველოში, არამედ სხვა ქვეყნებშიც. USAID-დან შავი თანხები გამოიყოფოდა, რათა სხვადასხვა ქვეყნის პოლიტიკაში ჩარეულიყვნენ, მათ შორის საქართველოში. „ენჯეოები“ და ოპოზიცია არ უარყოფენ, რომ დიახ, დასავლეთიდან იღებენ ფულს, რათა პიროტექნიკა შეიძინონ. გუშინწინ ისიც განაცხადეს, თურმე პოლიციელს პიროტექნიკა რომ ესროლო, ეს დანაშაული არ ყოფილა. იმ ადამიანების დაცვაზე თავს ნუ გამოიდებთ, რასაც საჯაროდ თავად აღიარებენ. სახელმწიფო უსაფრთხოების სამსახურის ანგარიშს ეჭვქვეშ თუ დააყენებთ, მაშინ ეჭვქვეშ ამერიკის შეერთებული შტატების პრეზიდენტის ბრძანებას დააყენებთ. აღდგომებმა კი გაიარა, მაგრამ დილით და საღამოს ნაკურთხი წყალი მიისხით ხოლმე. ლილუაშვილისა და ოხანაშვილის ანგარიში რას ჰქვია? ეს არის სახელმწიფო უსაფრთხოების სამსახურის ანგარიში. იმეცადინეთ, უცხოეთი დასავლეთი არ არის? უცხოეთია ყველა“, – განაცხადა მაჭარაშვილმა.