აშშ-ის პრეზიდენტის სპეციალურმა წარმომადგენელმა, კიტ კელოგმა განაცხადა, რომ აშშ-მა უკრაინას ომის დასასრულებლად 22 კონკრეტული პირობა წარუდგინა, რასაც კიევი დათანხმდა.
კიტ კელოგმა აღნიშნა, რომ აშშ მზად არის ნაწილობრივ აღიაროს რუსეთის ტერიტორიული პრეტენზიები.
ამასთან, უკრაინა მზად არის, ფაქტობრივად აღიაროს ტერიტორიული დანაკარგები, მაგრამ არ აღიარებს ამას სამართლებრივად. გარდა ამისა, საუბარია მხოლოდ იმ ტერიტორიებზე, რომლებიც ამჟამად ოკუპირებულია.
„მათ ესმით, რომ ცეცხლის შეწყვეტის რეჟიმის დამყარებისას, თითოეული მხარე დარჩება მის მიერ დაკავებულ პოზიციებზე. სწორედ ამისთვის არიან ისინი მზად. გასულ კვირას მათ მაცნობეს, რომ უკვე განიხილეს ეს შეთანხმება. ცეცხლის შეწყვეტა არსებულ ხაზებზე – ეს არის ის, რისთვისაც ისინი მზად არიან“, – განაცხადა მან.
კომენტარები