ახლად არჩეულმა რომის პაპმა, ლეო XIV ვატიკანში, სიქსტეს კაპელაში კარდინალების კოლეგიასთან ერთად პირველი მესა ჩაატარა.
პაპმა პირველი ქადაგება ინგლისურ ენაზე დაიწყო და შემდეგ იტალიურზე გადავიდა. „ჩემს სიტყვას ინგლისურად დავიწყებ, ხოლო შემდეგ იტალიურად გავაგრძელებ. მსურს ფსალმუნით დავიწყო და ღვთისადმი ლოცვა აღვავლინო, იმიტომ რომ ის საოცრებებს სჩადიოდა“, – აღნიშნა ლეო XIV.
ცნობისთვის, კარდინალების კონკლავმა გუშინ ამერიკელი კარდინალი რობერტ ფრენსის პრევო რომის პაპად აირჩია, რომელსაც სახელად ლეო XIV ეწოდა.
რომის პაპი ფრანცისკე 21 აპრილს 88 წლის ასაკში გარდაიცვალა. ფრანცისკე კათოლიკურ ეკლესიას 2013 წლიდან მართავდა. ის 26 აპრილს რომში დაკრძალეს.
კომენტარები