ნატოს გენერალურმა მდივანმა, მარკ რუტემ განაცხადა, რომ ალიანსი არასდროს შეთანხმებულა, რომ სამშვიდობო შეთანხმების ფარგლებში უკრაინისთვის ნატო-ს წევრობა გარანტირებული იქნებოდა.
„ერთადერთი, რაზეც ნატო იყო შეთანხმებული, ეს უკრაინის ნატოში შეუქცევადი გზა იყო, ჩვენ არასდროს შევთანხმებულვართ, რომ სამშვიდობო შეთანხმების ნაწილი უკრაინის ნატოში წევრობის გარანტია იყო“, – თქვა რუტემ.
თუმცა, როგორც რუტემ აღნიშნა, გრძელვადიან პერსპექტივაში ნატოს მოკავშირეებმა თქვეს, რომ უკრაინა ალიანსში გაწევრიანდება.
„ამ მომენტში არსებობს მჭიდრო თანამშრომლობა ნატოსა და უკრაინას შორის. ჩვენ გვაქვს სარდლობა ვისბადენში, რომელიც ორგანიზებას უწევს უკრაინის სამხედრო დახმარებას. ჩვენ ერთობლივად ვუწევთ ორგანიზებას წვრთნებს უკრაინის შეიარაღებული ძალებისთვის“, – დასძინა მან.
კომენტარები