რუსეთის აგრესიის წინაშე, ჩვენი პასუხი კოლექტიური უნდა იყოს, – განაცხადა საფრანგეთის პრეზიდენტმა, ემანუელ მაკრონმა, რომელიც დღეს კიევში ჩავიდა.
„სამართლიანი და მდგრადი მშვიდობა იწყება ცეცხლის სრული და უპირობო შეწყვეტით. ეს არის წინადადება, რომელიც ჩვენ შეერთებულ შტატებთან ერთად შევიმუშავეთ. უკრაინამ ის 11 მარტსვე მიიღო. რუსეთი კი თავს იკავებს, აყენებს პირობებს, იგებს დროს და აგრძელებს თავის ომს“, – აღნიშნა საფრანგეთის ლიდერმა.
მაკრონის თქმით, თუ მოსკოვი გააგრძელებს სამშვიდობო წინადადების ბლოკირებას, „ჩვენ გავაძლიერებთ ზეწოლას“.
„უკრაინა იბრძვის თავისი ხალხისთვის, მაგრამ ასევე იმ ევროპული იდეალისთვის, რომლისაც ჩვენ გვწამს. თავისუფალი, ძლიერი, აყვავებული და ევროპული უკრაინა – ეს არის ჩვენი ჰორიზონტი“, – დასძინა მან.
კომენტარები