გერმანიის კანცლერმა, ფრიდრიხ მერცმა განაცხადა, რომ მზადაა, შეხვდეს რუსეთის პრეზიდენტს, ვლადიმირ პუტინს, თუ ეს შეხვედრა ომის დასრულებას შეუწყობს ხელს.
ამის შესახებ გერმანიის კანცლერმა „ბილდთან“ ინტერვიუში თქვა.
„საჭიროება თუ გაჩნდება და ეს დაეხმარება ომის დასრულებას, მე ბევრი რამისთვის ვარ მზად“, – განაცხადა გერმანიის ახალმა კანცლერმა.
თუმცა, ფრიდრიხ მერცის თქმით, უპირველეს ყოვლისა, აუცილებელია კონცენტრირება უკრაინაში ცეცხლის შეწყვეტაზე.
„ჩვენ უნდა ვნახოთ, შეგვიძლია თუ არა, მივაღწიოთ მიზანს – ცეცხლის შეწყვეტას მიმდინარე უქმეებზე მოლაპარაკებების შედეგად“, – განაცხადა გერმანიის კანცლერმა.
კომენტარები