რუსეთმა და უკრაინამ 16 მაისს თურქეთის ქალაქ სტამბოლში მიღწეული შეთანხმების საფუძველზე დღეს ტყვეები გაცვალეს. ინფორმაციას რუსული მედია რუსეთის თავდაცვის სამინისტროზე დაყრდნობით ავრცელებს.
რუსეთმა 270 სამხედრო და 120 სამოქალაქო პირი დაიბრუნა. იმავე რაოდენობის ტყვეები მოსკოვმა გადასცა კიევს. გაცვლა ბელარუსის ტერიტორიაზე მოხდა.
ცნობისთვის, თურქეთის ქალაქ სტამბოლში 16 მაისს გამართული სამშვიდობო მოლაპარაკებების დროს რუსეთმა და უკრაინამ ტყვეების გაცვლის შესახებ შეთანხმებას მიაღწიეს. გარიგების თანახმად, რუსეთი კიევს 1000 უკრაინელ ჯარისკაცს გადასცემს, იგივე რაოდენობის ტყვეს უკრაინა გადასცემს მოსკოვს.
კომენტარები